УПЛЪЭКIОКIО КУПЫР ТЭХЪУТЭМЫКЪОЕ РАЙОНЫМ (ЩЫНДЖЫЙ, ТЭХЪУТЭМЫКЪУАЙ, ИНЭМ) ЩЫIАГЪ

Мэлылъфэгъум и 27-м уплъэкIокIо купыр Тэхъутэмыкъое районым кIогъагъэ. Щынджые гурыт еджапIэу зи №24-м, Тэхъутэмыкъуе гурыт еджапIэу зи №1-м,  Инэм еджапIэу зи №25-м ыкIи кIэлэцIыкIу IыгъыпIэу зи №3 «Насып» адыгабзэмрэ адыгэ литературэмрэ зэрэщызэрагъашIэрэм изытет уплъэкIокIо купым зыщигъэгъозагъ.

ЕджапIэм нэбгырэ 202-рэ чIэс. Нэбгырэ 193-рэр адыгэх, нэбгыри 9-р нэмыкI цIыф лъэпкъых. Адыгэхэм адыгабзэмрэ адыгэ литературэмрэ зэрагъашIэ, нэмыкI цIыф лъэпкъхэм адыгабзэ къэралыгъуабзэр зэрагъашIэ.

Апэрэ классхэм тхьэмафэм сыхьати 2 (адыгабзэр – 1, адыгэ литературэр – 1) арагъэхьы. Я 2, 3, 6-рэ классхэм тхьэмафэм сыхьати 4 (адыгабзэр – 2, адыгэ литературэр – 2) арагъэхьы. Я 4, 5, 7, 8, 9-рэ классхэм тхьэмафэм сыхьати 3 яIэр (адыгабзэр – 2; адыгэ литературэр – 1), я 10-11 сыхьати 4 (адыгабзэр – 1; адыгэ литературэр – 3) арагъэхьы. Урокуж зэIукIэгъухэм ателъытэгъэ сыхьатхэр адыгабзэм пэIуагъэхьагъэх.

ЗэкIэмкIи адыгабзэмрэ адыгэ литературэмрэ языгъэхьрэ кIэлэегъэджэ 6 еджапIэм щэлажьэ. Компьютерым иамалхэр дэгъу дэдэу урокхэм ащагъэфедэ.

Тэхъутэмыкъое гурыт еджапIэу зи № 24-р
Директорыр – Шантыз Саниет Мугдинэ ыпхъур

ЕджапIэм нэбгырэ 770-рэ чIэс. Нэбгырэ 395-рэр адыгэх, ныдэлъфыбзэ адыгабзэмрэ адыгэ литературэмрэ зэрагъашIэ. Адыгэ 231-рэм «Адыгабзэ къэралыгъуабзэр» зэрагъашIэ. Нэбыри 131-рэр нэмыкI цIыф лъэпкъых, яшIоигъоныгъэкIэ «Адыгабзэ къэралыгъуабзэр» къыхахыгъэу зэрагъашIэ.
Апэрэ классхэм тхьэмафэм сыхьати 2 (адыгабзэр – 1, адыгэ литературэр – 1) арагъэхьы. Я 2-9-рэ классхэм тхьэмафэм сыхьати 3 (адыгабзэр – 2, адыгэ литературэр – 1) арагъэхьы. Я 10-11-рэ классхэм яIэп.
ЗэкIэмкIи адыгабзэмрэ адыгэ литературэмрэ языгъэхьрэ кIэлэегъэджэ 12 еджапIэм щэлажьэ. Аныбжьыр: илъэс 36-рэм щегъэжьагъэу 65-рэм нэсы. Компьютерым иамалхэр дэгъу дэдэу урокхэм ащагъэфедэ.

ЕджапIэм нэбгырэ 1142-рэ чIэс. Нэбгырэ 272-рэр адыгэх, «Адыгабзэ къэралыгъуабзэр» зэрагъашIэ. Нэбыри 870-рэр нэмыкI цIыф лъэпкъых, яшIоигъоныгъэкIэ «Родной (русский) язык» и «Родная (русская) литература» зэрагъашIэ.
Апэрэ классхэм ащегъэжьагъэу я 10-рэ классхэм анэс тхьэмафэм 1 сыхьат (адыгабзэр – 0,5, адыгэ литературэр – 0,5) арагъэхьы. Я 11-рэ классхэм адыгэ литературэ 1 сыхьат яI.

ЗэкIэмкIи адыгабзэмрэ адыгэ литературэмрэ языгъэхьрэ кIэлэегъэджи 3 еджапIэм щэлажьэ. Аныбжьхэр  илъэс 54-68-рэ. Компьютерым иамалхэр дэгъу дэдэу урокхэм ащагъэфедэ.

Инэм дэт кIэлэцIыкIу IыгъыпIэу зи №1 «Насып»
Ипащэр – ХьэкIэкIо Разиет Шумафэ ыпхъур.

КIэлэцIыкIу IыгъыпIэм зэкIэмкIи куп 12 щаIыгъ, ахэмэ сабый 299-рэ арыс: цIыкIу дэдэхэр – нэбгырэ 77-рэ; нахьыкIэхэр – нэбгырэ 49-рэ; гурытхэр – нэбгырэ 48-рэ; нахьыжъхэр – нэбгырэ 47-рэ; еджапIэм зыщыфагъэхьазыррэр – нэбгырэ 79-рэ. Нэбгыри 173-рэм адыгабзэр зэIукIэгъухэм ащызэрагъашIэ, нэбгырэ 49-рэм гъэпсэфыгъо-чъыегъу-шхэгъу уахътэхэм адыгабзэкIэ мэгущыIэх, нэбгырэ 40-м адыгабзэкIэ кружокэу «Дышъэ хэдыкIым» щэгущыIэх.

КIэлэцIыкIу IыгъыпIэр адыгабзэмкIэ программэу «Сыбзэ – сидунай» зыфиIорэмкIэ мэлажьэ. Адыгабзэр тхьэмафэм сыхьати 2-рэ яIэ гурыт, нахьыжь, еджапIэм зыщыфагъэхьазыррэ группэхэм. Пособиехэу «ЖъогъошIэт», «Щыгъыжъый», «СурэтхэмкIэ адыгэ хабзэмрэ бзэмрэ зэтэгъашIэх», «Нэнэжъым ипхъорэлъфхэр», «Дышъэ кон», «Адыгэ пшысэхэр» зыфиIохэрэр агъэфедэх.

УплъэкIокIо купыр группэхэм ащыIагъ. Группэ пэпчъ этноуголокхэр яIэх, музей шIагъуи кIэлэцIыкIу IыгъыпIэм хэт.