УПЛЪЭКIОКIО КУПЫР ТЕУЦОЖЬ РАЙОНЫМ (ПОНЭЖЬЫКЪУАЙ, АДЫГЭКЪАЛ) ЩЫIАГЪ
УПЛЪЭКIОКIО КУПЫР ТЕУЦОЖЬ РАЙОНЫМ (ПОНЭЖЬЫКЪУАЙ, АДЫГЭКЪАЛ) ЩЫIАГЪ
Мэлылъфэгъум и 26-м уплъэкIокIо купыр Теуцожь районым кIогъагъэ. Понэжьыкъуае дэтхэ еджапIэу зи №1, кIэлэцIыкIу IыгъыпIэу зи №1 «Насып» ыкIи Адыгэкъалэ дэт еджапIэу зи № 1 адыгабзэмрэ адыгэ литературэмрэ зэрэщызэрагъашIэрэм изытет уплъэкIокIо купым зыщигъэгъозагъ.
Понэжьыкъуае дэт гурыт еджапIэу зи №1-р
Директорыр – Хьабэхъу Зарем Аслъан ыпхъур.
Директорыр – Хьабэхъу Зарем Аслъан ыпхъур.
ЕджапIэм класс 24 щеджэ. Ащ нэбгырэ 479-рэ чIэс. Нэбгырэ 452-рэр адыгэх, нэбгырэ 27-р нэмыкI цIыф лъэпкъых. ЗэкIэмэ зэхэдз амышIэу адыгабзэмрэ адыгэ литературэмрэ зэрагъашIэ, мэгущыIэх дэгъоуи. КIэлэегъаджэхэм агу етыгъэу Iоф ашIэ, директорми адыгабзэм иягъэшIэн лъэшэу ынаIэ тет.
Апэрэ-яхэнэрэ классхэм, я 10-11-рэ классхэм тхьэмафэм сыхьати 2 (адыгабзэр – 1, адыгэ литературэр – 1) арагъэхьы. Я 7-9-рэ классхэм тхьэмафэм сыхьати 3 яIэр (адыгабзэр – 2; адыгэ литературэр – 1). Урокуж зэIукIэгъоу «Лъэпкъ шэн-зэхэтыкIэ хабзэхэр» («Национальные традиции народов РА»), «Адыгэ хабзэр», «Сиреспубликэ хъишъэм зэрэхэтыр» зыфиIохэрэр адыгабзэкIэ арагъэхьы.
ЗэкIэмкIи адыгабзэмрэ адыгэ литературэмрэ языгъэхьрэ кIэлэегъэджэ 13 еджапIэм щэлажьэ. Компьютерым иамалхэр дэгъу дэдэу урокхэм ащагъэфедэ.
Понэжьыкъуае дэт кIэлэцIыкIу IыгъыпIэу зи №1 «Насып»
Ипащэр – ЕмтIылъ Рим Руслъанэ ыпхъур.
Ипащэр – ЕмтIылъ Рим Руслъанэ ыпхъур.
КIэлэцIыкIу IыгъыпIэм зэкIэмкIи куп 15 щаIыгъ: цIыкIу дэдэхэр – купи 4; нахьыкIэхэр – купи 4; гурытхэр – купи 2; нахьыжъхэр – купи 2; еджапIэм зыщыфагъэхьазыррэр – купи 3.
КIэлэцIыкIу IыгъыпIэр адыгабзэмкIэ программэу «Адыгабзэм изэгъэшIэнкIэ кIэлэцIыкIу IыгъыпIэм пае учебнэ-методическэ программ» («От рождения до школы»). Адыгабзэр тхьэмафэм зы сыхьат, еджапIэм зыщыфагъэхьазыррэ группэм сыхьати 2, хэпхъэгъэ методикэри агъэфедэ. Пособиехэу «ЖъогъошIэт», «Щыгъыжъый», «СурэтхэмкIэ адыгэ хабзэмрэ бзэмрэ зэтэгъашIэх», «Нэнэжъым ипхъорэлъфхэр», «Дышъэ кон», «Адыгэ пшысэхэр» зыфиIохэрэр агъэфедэх.
УплъэкIокIо купыр группэхэм ащыIагъ. Группэ пэпчъ этноуголокхэр яIэх, музей дахи кIэлэцIыкIу IыгъыпIэм хэт.
КIэлэцIыкIу IыгъыпIэр адыгабзэмкIэ программэу «Адыгабзэм изэгъэшIэнкIэ кIэлэцIыкIу IыгъыпIэм пае учебнэ-методическэ программ» («От рождения до школы»). Адыгабзэр тхьэмафэм зы сыхьат, еджапIэм зыщыфагъэхьазыррэ группэм сыхьати 2, хэпхъэгъэ методикэри агъэфедэ. Пособиехэу «ЖъогъошIэт», «Щыгъыжъый», «СурэтхэмкIэ адыгэ хабзэмрэ бзэмрэ зэтэгъашIэх», «Нэнэжъым ипхъорэлъфхэр», «Дышъэ кон», «Адыгэ пшысэхэр» зыфиIохэрэр агъэфедэх.
УплъэкIокIо купыр группэхэм ащыIагъ. Группэ пэпчъ этноуголокхэр яIэх, музей дахи кIэлэцIыкIу IыгъыпIэм хэт.
Адыгэкъалэ дэт гурыт еджапIэу зи №1-р
Директорыр – Шъхьэлэхъо Марьян Руслъан ыпхъур.
Директорыр – Шъхьэлэхъо Марьян Руслъан ыпхъур.
ЕджапIэм класс 33-рэ щеджэ. Ащ нэбгырэ 746-рэ чIэс. Нэбгырэ 676-рэр адыгэх, нэбгырэ 70-р нэмыкI цIыф лъэпкъых. Адыгэмэ адыгабзэмрэ адыгэ литературэмрэ зэрагъашIэ, нэбгырэ 70-рэм янэ-ятэхэм яшIоигъоныгъэкIэ урысыбзэр ныдэлъфыбзэу зэрагъашIэ.
Я 2-10-рэ классхэм тхьэмафэм сыхьати 3 (адыгабзэр – 2, адыгэ литературэр – 1) арагъэхьы. Апэрэ классхэмрэ я 11-рэ классхэмрэ тхьэмафэм сыхьати 2 яIэр (адыгабзэр – 1; адыгэ литературэр – 1).
Урокуж зэIукIэгъоу «Адыгэ хабзэр» я 5-рэ классхэм адыгабзэкIэ арагъэхьы.
ЗэкIэмкIи адыгабзэмрэ адыгэ литературэмрэ языгъэхьрэ кIэлэегъэджэ 14 еджапIэм щэлажьэ. Компьютерым иамалхэр урокхэм ащагъэфедэ.
Читайте также:
20 апрель 2023, Четверг
УПЛЪЭКIОКIО КУПЫР ШЭУДЖЭН РАЙОНЫМ ИТ ЕДЖАПIЭХЭМРЭ КIЭЛЭЦIЫКIУ IЫГЪЫПIЭХЭМРЭ АЩЫIАГЪ
19 апрель 2023, Среда
АДЫГЭ РЕСПУБЛИКЭМ ИТ ЕДЖАПIЭХЭМРЭ КIЭЛЭЦIЫКIУ IЫГЪЫПIЭХЭМРЭ АДЫГАБЗЭМРЭ АДЫГЭ ЛИТЕРАТУРЭМРЭ ЗЭРЭЩЫЗЭРАГЪАШIЭРЭМ ИЗЫТЕТ ЗЫУШЭТЫЩТ УПЛЪЭКIОКIО КУПЫМ ИIОФШIЭН РИГЪЭЖЬАГЪ
14 март 2019, Четверг
Iэнэ хъураеу «Адыгабзэмрэ кIэлэцIыкIу IыгъыпIэхэмрэ: технологиякIэхэр, еплъыкIэхэр, гупшысакIэхэр»
05 март 2018, Понедельник
АДЫГЭ ОРЭДХЭМ ХУДОЖЕСТВЕННЭ-КЪЭIОКIЭ АМАЛХЭУ АЩАГЪЭФЕДАГЪЭХЭМ ЯЗЭГЪЭПШЭН-ЗЭПЭГЪЭУЦУН ЗЭХЭФХЭР
