БзэшIэныгъэм иотдел иIофышIэхэр Адыгэ кIэлэегъэджэ колледжым щыкIогъэ Iэнэ хъураем хэлэжьагъэх
Ныдэлъфыбзэм имазэ къыхиубытэу гъэтхапэм и 20-м 2018-рэ илъэсым Гуманитар ушэтынхэмкIэ адыгэ республикэ институтым бзэшIэныгъэм иотдел иIофышIэ шъхьаIэу филологие шIэныгъэхэмкIэ докторэу Бырсыр Батырбыйрэ филологие шIэныгъэхэмкIэ кандидатэу Ситымэ Сарэрэ Адыгэ кIэлэегъэджэ колледжэу Андрыхъое Хъусен ыцIэкIэ щытым адыгабзэмрэ тхыбзэмрэ я Мафэ фэгъэхьыгъэ Iэнэ хъураеу щашIыгъэм хэлэжьагъэх. Iэнэ хъураем джыри хэлэжьагъэх Адыгэ къэралыгъо университетым Адыгэ филологиемрэ культурэмрэ яфакультет идеканэу, адыгэ филологием икафедрэ ипащэу, филологие шIэныгъэхэмкIэ кандидатэу Хьамырзэкъо Нуриет, гъэзетэу «Адыгэ макъэм» ижурналистэу Мамырыкъо Нуриет, колледжым икIэлэегъаджэхэр ыкIи истудентхэр.
Непэ кIэлэегъэджэ колледжым адыгабзэр студентхэм ягъэшIэгъэнымкIэ къиныгъоу зыIукIэхэрэм къатегущыIагъ колледжым идиректор гуадзэу Тэрчыкъо Лидэ. Iэнэ хъураем хэлэжьагъэхэр ахэм ядэгъэзыжьын зэдегупшысагъэх, хэкIыпIэу щыIэхэр агъэнэфагъэх.
Iэнэ хъураер зыгъэхьазырыгъэр ыкIи зезыщагъэр колледжым икIэлэегъаджэу Пэнэшъу Марин.
Анцокъо Сурэт, бзэшIэныгъэм иотдел ипащ
Читайте также:
03 апрель 2018, Вторник
БзэшIэныгъэм иотдел иIофышIэхэм Мыекъопэ индустриальнэ техникумым Iэнэ хъурае щашIыгъ
03 апрель 2018, Вторник
Адыгабзэмрэ тхыбзэмрэ я Мафэ Гуманитар ушетынхэмкIэ Адыгэ Республикэ институтым хегъэунэфыкIы
