Печальные вести!
КъэбаргухэкI! Филологие шIэныгъэхэмкIэ докторэу, профессорэу, шIэныгъэхэмкIэ Дунэе
Адыгэ Академием иакадемикэу, Урысые Федерациемрэ Адыгэ Республикэмрэ шIэныгъэхэмкIэязаслуженнэ IофышIэшхоу, Урысые Федерацием итхакIохэм я Союз хэтэу, наукэмкIэ Адыгэ Республикэм и Къэралыгъо, Теуцожь Цыгъо ыцIэкIэагъэнэфэгъэ шIухьафтын литературнэ премиехэм ялауреатэу Мамый Руслъан Хьисэ ыкъом ыныбжь 88-м итэу идунай ыхъожьыгъ. МамыйРуслъанэ жъоныгъуакIэм и 10-м 1937-рэ илъэсым Теуцожь районым итыгъэ къуаджэу.
Шыхьанчэрыехьаблэ къыщыхъугъ. Адыгэ къэралыгъо кIэлэегъэджэ институтымифилологическэ факультет 1960-рэ илъэсым къыухыгъ. 1960-1968-рэ илъэсхэм литературнэ IофышIэу, нэужым отделым ипащэу хэку гъэзетэу «СоциалистическэАдыгеим» иредакцие Iутыгъ. 1968-1990-рэ илъэсхэм КПСС-м иобком инструкторэу апэрэ секретарым иIэпыIэгъоу, отделым ипащэу щылэжьагъ. 1970-1972-рэ илъэсхэм – ЦК КПСС и ВПШ ащеджагъ. 1990-рэ илъэсым ичъэпыогъу мазэщегъэжьагъэу 2010-рэ илъэсым нэс Адыгэ республикэм гуманитар ушэтынхэмкIэ институтэу КIэрэщэ Тембот ыцIэкIэ щытым ипащэ игуадзэу Iоф ышIагъ. ИдунайехъожьыфэкIэ ар научнэ IофышIэ шъхьаIэу лэжьагъэ.
Мамый Руслъанэ 1975-рэ илъэсым адыгэ романым иуцун фэгъэхьыгъэ кандидатскэ диссертациер къыгъэшъыпкъэжьыгъ, 2002-м –филологие шIэныгъэхэмкIэ доктор хъугъэ.
Мамый Руслъанэ научнэ кадрабэ къыгъэхьазырыгъ. Доктор, кандидат диссертациехэм якъэухъумэнкIэ советым хэтыгъ.Ащ пэщэныгъэ зыдызэрихьэгъэ нэбгырабэ филологие шIэныгъэхэмкIэ кандидат, доктор хъугъэх.
Адыгэ Республикэм и Президент и УнашъокIэ Мамый Руслъанэ республикэм имедалэу «Адыгеим и Щытхъузехь», орденэу «Знакпочета», Адыгэ Республикэм и Къэралыгъо Совет-Хасэм изнакэу «Закон. Долг. Честь», ящэнэрэ степень зиIэ орденэу «Честь и Слава Абхазии», медалэу«Республика Адыгея – 25» къыфагъэшъошагъэх.
Мамый Руслъан шIэныгъэлэжьышхоу щытыгъ, цIыфыгъэшхо хэлъыгъ, къызэрыкIоу цIыфхэмадэзекIощтыгъ. Ар шIукIэ ренэу тыгу илъыщт.
Читайте также:
