ПОЛОЖЕНИЕ о проведении конкурса имени Нальбия Куека на лучший рассказ на адыгейском языке

РАССКАЗ ТХЫНЫМ ТЕГЪЭПСЫХЬЭГЪЭ АДЫГЭ ТХАКІОУ КЪУЕКЪО НАЛБЫЙ ЫЦІЭКІЭ ЗЭХАЩЭРЭ ЗЭНЭКЪОКЪУР ЗЭРЭРЕК1ОК1ЫЩТЫМ ХАБЗЭУ ПЫЛЪЫР
1. Рассказ тхыным тегъэпсыхьэгъэ адыгэ тхакІоу Къуекъо Налбый ыцІэкІэ зэхащэрэ зэнэкъокъур зэхэзыщэрэр ык1и резыгъэкIокIырэр Хэку гъэзэжынымкІэ Адыгэ Хасэмрэ (Онтарио – Канада) Гуманитар ушэтынхэмк1э Адыгэ республикэ институтэу К1эрэщэ Тембот ыц1эк1э щытымрэ (Республика Адыгея – Майкоп).
2. Зэнэкъокъум имурад:
- адыгабзэр лъэпкъым илэжьыгъэ анахь лъэпIэ дэдэхэм зэращыщым к1элэц1ык1ухэм гу лъаригъэтэнэу, ащ уасэ фашIын, фэсакъын ыкIи къаухъуэмэн зэрэфаер къагуригъэIонэу, сыд фэдэ ч1ып1э ифагъэхэми, яныдэлъфыбзэкIэ гущы1энхэр, гупшысэнхэр, тхэнхэр, еджэнхэр 1офышхоу зэрыщытыр зэхаш1ык1ыныр.
3. Зэнэкъокъум къытынэу тызщыгугъырэр:
- адыгэ к1элэц1ык1ухэр зыщыщ лъэпкъым ишэн хабзэхэм дихьыхынхэу, сэнаущыгъэу ахэлъымрэ зэш1окIэу я1эмрэ нахь зыригъэушъомбгъунэу, ягупшысэ къыра1отык1ышъуным нигъэсынхэу;
- к1элэц1ык1ухэм яныдэлъфыбзэ фыщытыкIэу фыря1эм нахь зыригъэIэтынэу, гущы1ак1эу щыIэхэм нахь ащигъэгъозэнхэу, яжабзэрэ ятхыгъабзэмрэ нахь къыIэтынэу.
4. Зэнэкъокъур зырек1ок1ыщтыр: 2020 илъэсым бэдзэогъум (июль) мазэм и 15-м щегъэжьагъэу 1оныгъо (сентябрь) мазэм и 15-м нэс. Тхыгъэхэр шышъхьэ1ум (август) и 30-м нэс зэнэкъокъум къэгъэхьыгъэн фай!
5. Зэнэкъокъум хэлэжьэщтхэр. Зэнэкъокъур ныбжьым елъытыгъэу зэтеутыгъэщт:
- гурыт еджапIэм щеджэрэ еджак1охэу зыныбжь илъэс 14-17-м итхэр;
- апшъэрэ еджапІэм чІэс еджакІохэмрэ зыныбжь илъэс 25 - рэм нэсыгъэ ныбжьык1эхэмрэ.
6. Зэнэкъокъум къагъэхьыщт тхыгъэхэр:
Зэнэкъокъум къагъэхьыщт тхыгъэхэр жанрэкІэ рассказ шапхъэм итын фай.
Зэнэкъокъум къагъэхьы хъущт ащ хэхыгъэу фагъэхьазырыгъэ тхыгъэхэри, нахьыпэкІэ къыхаутыгъэу щыт тхыгъэхэри.
7. Зэнэкъокъум къырахьыл1эгъэ тхыгъэхэр къызэралъытэщтыр:
- тхыгъэм ц1эу фаш1ыгъэмрэ ащ къыщыIотэгъэ гупшысэмрэ зэрэзэпэджэжьырэ, зэрэзэтефэрэ шIыкIэр;
- тхыгъэр зикъэлэмыпэ къыпык1ыгъэм гупшысакIэу и1эм имэхьанэр;
- тхыгъэм къыщи1отэгъэ гупшысэм зэкIэлъыкIуак1эу и1эр;
- тхыгъэм къыщыIэтыгъэ Iофыгъохэр зэш1охыгъэ, къэIотагъэ зэрэхъугъэм икууагъ;
- адрэхэм къашъхьэщигъэкIэу тхыгъэм хэлъ гъэш1эгъоныр;
- бзэр купк1аш1оу, гукъинэжь зышIэу щыIэ амалхэр къызэригъэфедагъэр.
8. Тхыгъэр зэрагъэхьазырыщтымк1э зэрыгъозапхъэхэр:
8.1. Зэнэкъокъум къагъэхьрэ тхыгъэхэр *Word шапхъэм итэу.
8.2. Тхыгъэр нэк1убгъуищым къыщымык1эу щытын фай.
8.3. Текстым икъэуахьхэр интервалыр см 2,5-кІэ (жьабгъук1и, сэмэгумкІи, ышъхьагъкІи, ыч1эгъкІи) къыІухыгъэн фай.
8.4. Сатыр къэс интервалитІу азыфагу дэлъын фай, хьарыфым иинагъэр шрифт 14-м тетэу, Times New Roman шапхъэм итэу щытын фай.
9. ТекІуагъэхэмрэ нахь чанэу хэлэжьагъэхэмрэ зэралъытэщтыр:
9.1. Гурыт еджап1эм ч1эс еджакІохэм текІуагъэхэмрэ чанэу хэлэжьагъэхэмрэ мыщ фэдэу агъэнэфэщт:
• апэрэ ч1ыпІэр – сомэ минипшІ (10.000 руб.),
• ятІонэрэ ч1ыпІэр – сомэ минитф (5.000 руб.),
• ящэнэрэ ч1ыпІэр – сомэ минищ (3.000 руб.).
9.2. Апшъэрэ еджапІэм чІэс ныбжьык1эхэм текІуагъэхэмрэ нахь чанэу хэлэжьагъэхэмрэ мыщ фэдэу агъэнэфэщт:
• апэрэ ч1ыпІэр – сомэ мин тІок1 (20.000 руб.),
• ятІонэрэ ч1ыпІэр – сомэ минипшІ (10.000 руб),
• ящэнэрэ ч1ыпІэр – сомэ минибл (7.000 руб.).
9.3. ТекІуагъэхэмрэ нахь чанэу хэлэжьагъэхэмрэ Хэку гъэзэжьынымкІэ Адыгэ Хасэм зэригъэфэщт ык1и ш1ухьафтынхэр афигъэшъошэщт ежь ямылъку унае къыхэк1эу, ш1ухьафтынхэр Гуманитар ушэтынхэмк1э Адыгэ республикэ институтэу К1эрэщэ Тембот ыц1эк1э щытым щаратыжьыщт.
9.4. Зэнэкъокъум зэрэхэлэжьагъэхэмкIэ къэзыушыхьатрэ тхылъхэр (сертификатхэр) зэк1эми къаратыщт.
9.5. Зэнэкъокъум щытекIуагъэхэр зыгъэхьазырыгъэ к1элэегъаджэхэм Ш1уш1э тхылъ афагъэшъошэщт.
9.6. Зэнэкъокъум къырыкІуагъэм нэІуасэ шъуфэхъущт 2020 рэ илъэсым чъэпыогъу (октябрь) мазэм и 30-м.
10. Зэнэкъокъум ч1ыпэ щызыубытыгъэхэмрэ нахь чанэу хэлэжьагъэхэмрэ зэхэзыфыщтыр уплъэк1ок1о купыр ары.
10.1. Тхыгъэу къырахьыл1агъэхэм яшIуагъэрэ ахэр Тхыгъэ Зэнэкъокъум къыгъэуцугъэ шапхъэхэм зэратефэрэмрэ зэхифэу уплъэк1ок1о куп щыIэщт.
10.2. Уплъэк1ок1о купыркъэзгъэнэфэщтыр Гуманитар ушэтынхэмк1э Адыгэ республикэ институтэу К1эрэщэ Тембот ыц1эк1э щытыр ары.
11. Зэнэкъокъум икъэбар зэралъы1эсыщт ш1ык1эр:
ТекІуагъэхэмрэ нахь чанэу хэлэжьагъэхэмрэ ятхыгъэхэр зэк1эри Хэку гъэзэжынымкІэ Адыгэ Хасэмрэ Гуманитар ушэтынхэмк1э Адыгэ республикэ институтэу К1эрэщэ Тембот ыц1эк1э щытымрэ Интернетым къырагъэуцощт. ТекІуагъэхэмрэ нахь чанэу хэлэжьагъэхэмрэ ятхыгъэхэм анэмык1эу гъэш1эгъонэу къахэщэу шІуагъэ зи1эу къагъахьыгъэ тхыгъэхэри Интернетым къырагъэуцощт. Къэбарэу гъэзетхэм, телевидением, радиом къатыщт.
12. Тхыгъэхэр къыздырагъэхьыщтыр:
12.1. Конкурсым хэлэжьэщт тхыгъэхэр мы Email-м къагъэхьын фай: edu@CROWorld.org      marziyatbidanok@mail.ru
Тхыгъэм темэр къытешъутх: «Зэнэкъокъоу Къуекъо Налбый ыц1эк1э рек1ок1рэм пай»
12.2. Тхыгъэхэр зикъэлэмыпэ къыпыкІыгъэхэм атефэрэ информацие кІэк1 шапхъэм итэу къагъэлъэгъон фай. Еплъ Гуадзэу 1-м.
12.3. Тхыгъэр зэрыт файлым зытхыгъэм ыцІэрэ ылъэкъуац1эрэ ит хъущтэп.

Гуадзэу 1-р
 Рассказ тхыным тегъэпсыхьагъэу адыгэ тхакІоу
Къуекъо Налбый ыцІэкІэ зэхащэгъэ зэнэкъокъум
изэхэщэк1о комитет
Мэкъэгъэ1у
Рассказ тхыным тегъэпсыхьагъэу адыгэ тхакІоу Къуекъо Налбый
ыцІэкІэ зэхащэгъэ зэнэкъокъум зэрэхэлэжьэщтымкIэ
макъэ къышъуегъэ1у

№№	Лъэкъуац1эр, ц1эр, ятэ ыц1эр	Класс/курс	ЕджапIэр	К1элэегъаджэр

Телефонхэр:
Зэнэкъокъум хэлажьэрэм иер:
К1элэегъаджэм иер:
Мыхъурыр                                                  _______________/_______________/
                                                                  (еджапIэм итхьэматэ иIэпэк1адз)
Зэхэщэк1о купэу, уплъэк1ун фитыныгъэ зи1эхэр:
1).Ст1ашъу Iyрфан, профессор, ш1эныгъэхэмк1э доктор, Хэку гъэзэжьынымкІэ Адыгэ Хасэм итхьэмат (Онтарио – Канада).
2). Биданэкъо Марзият, филологие ш1эныгъэхэмк1э доктор, Гуманитар ушэтынхэмк1э Адыгэ республикэ институтэу К1эрэщэ Тембот ыц1эк1э щытым ипащэ игуадз.
3). Къуекъо Жанн, Къуекъо Налбый ишъхьэгъус, Къок1ып1эм щыпсэурэ лъэпкъхэм я Къэралыгъо музей и Темыр Кавказ къутамэу Адыгэ Республикэм щы1эм ипащэ игуадз.
4). Тыгъужъ Гощсым, филологие ш1эныгъэхэмк1э кандидат, бзэм икъутамэ и1офыш1э шъхьа1.
5). Тыгъужъ Санят, 1эк1ыб къэралыгъохэм ащыпсэурэ адыгэхэм афэгъэхьыгъэ къэтынхэм адэлэжьэрэ отделым ипащ.
6). Темзэкъо Марин, Адыгэ республикэ гимназием адыгабзэмрэ литературэмрэк1э ик1элэегъадж.






Учредителем Конкурса на лучший рассказ имени Нальбия Куека(далее – Конкурс) является Circassian Repatriation Organization (CRO)(Канада – Онтарио) совместно с Адыгейским республиканским институтом гуманитарных исследований им. Т.М. Керашева Республики Адыгея.
Цели и задачи Конкурса
2. Целью Конкурса является воспитание в молодёжи понимания ценности родного языка для народа, уважения к нему, желания знать его, мыслить и общаться на нём в разных жизненных ситуациях.
3.Задачи:
· укрепление положительного отношения подрастающего поколения к родному языку как важнейшей духовной ценности; выявление одаренных подростков и молодых людей, повышение их способности творчески осмысливать языковой материал в соответствии с предложенным жанром;
· актуализация умений обучающихся в области применения родного языка в ситуации создания текста; развитие их устной и письменной речи.





Посмотреть онлайн файл: qoueqoua-nalbi-official-poster-2.pdf


Посмотреть онлайн файл: the-qoueqoua-nalbi-kueko-nalbyy-short-story-prize-611.doc

Посмотреть онлайн файл: polozhenie-o-konkurse-n_kueka_-russian-1111.doc
скачать dle 11.3