Курсхэр
Дерхэр лъагъэкIотэщтых
Зэхэщагъэ зыщыхъугъэм щегъэжьагъэу адыгабзэм изэгъэшIэнрэ икъэухъумэнрэ адэлэжьэрэ Проектнэ офисым тиныдэлъфыбзэ зыщызэрагъашIэрэ дерсхэр регъэкIокIых. ДжырэкIэ нэбгырэ миным ехъу а дерсхэм ащеджагъах. Аужырэм нэбгырэ шъитIу фэдизымэ адыгэбзэ жэрыIуабзэм ишъэфхэр къызIэкIагъэхьагъ.
Сыд фэдэ къиныгъуа кIэлэегъаджэхэм апашъхьэ къиуцуохэрэр, анахь псынкIэу сыд фэдэ дерсхэр ара кIэлэеджакIохэм къафэхъухэрэр, онлайн шIыкIэм тетэу гъэпсыгъэ егъэджэнхэм яшIуагъэ къэкIуа? - мыхэр ыкIи фэшъхьаф упчIэхэр зыщызэхафыгъэхэ зэхахьэ ригъэкIокIыгъ шIэныгъэмкIэ ГУАРИМ ипащэ игуадзэу Биданэкъо Марзет.
ДжырэкIэ илъэсих-блы зыныбжь сабыйхэм адыгэбзэ гущыIэхэр къагурыIо зэрэхъугъэр ыкIи гущыIэухыгъэ къызэрыкIохэр зэхагъэуцуошъуным зэрэнэсыгъэхэр къыкIагъэтхъыгъ кIэлэегъаджэхэм. Ауми ны-тыхэм яIэпыIэгъу къырамыхьылIэмэ, унэм дерсым щызэхихыгъэр щымыгъэпытэжьмэ, а шIэныгъэхэри сабыим зэрэIэкIэзыжьын ылъэкIыщтыр къаIуагъ.
Бзэм изэгъэшIэн псынкIэ къэзышIырэм ащыщ непэрэ мафэм диштэу, интерактивнэ шIыкIэм тетэу ахэр зэрэгъэпсыгъэхэр.
КъыкIэлъыкIощт еджэгъу уахътэм еджакIо къакIощтыгъэхэм бзэу аIулъыр нахь куу нахь убгъугъэ зэрэхъущтым кIэлэегъаджэхэр дэлэжьэнхэм фэхьазырых.
Езыгъажьэ зышIоигъохэми ягуапэу дэлэжьэщтых. Шъхьафэу къыкIагъэтхъыгъ: онлайн шIыкIэм тетэу гъэпсыгъэ дерсхэу, Тыркуемрэ Израилрэ ащыпсэурэ цIыф куп тIурытIу зыщеджэхэрэр, зэпыбгъэу хъущтэп! IэкIыбым щыIэ тилъэпкъэгъухэм ар IэпыIэгъушхо афэхъу. Ежьхэри адыгабзэм изэгъэшIэн мышъхьахэу дэлажьэх.
Зэхахьэм икIэух Биданэкъо Марзет кIэлэегъаджэу Проектнэ офисым дэлажьэхэрэм «тхьашъуегъэпсэу» ариIуагъ, ыкIи бзэм икъэухъумэнкIэ лъэшэу зэращыгугъырэр къыкIигъэтхъыгъ.
Читайте также:
24 январь 2019, Четверг
АДЫГЭМЭ АЦ1ЭХЭМ ЯЗЭХЭТЫК1Э-ГЪЭПСЫК1Э ШЪХЬА1ЭМЭ АЩЫЩХЭР: Основные особенности образования адыгских имен
05 март 2018, Понедельник
АДЫГЭ ОРЭДХЭМ ХУДОЖЕСТВЕННЭ-КЪЭIОКIЭ АМАЛХЭУ АЩАГЪЭФЕДАГЪЭХЭМ ЯЗЭГЪЭПШЭН-ЗЭПЭГЪЭУЦУН ЗЭХЭФХЭР
