Вернуться назад
Распечатать
Анахьыш1ухэр агъэш1уагъэх
Адыгеим илIышъхьэу КъумпIыл Мурат игукъэкIкIэ зэхэщагъэ зыхъугъэм щегъэжьагъэу адыгабзэм икъэуухъумэнрэ изэгъэшIэнрэ дэлажьэрэ Проектнэ офисым республикэм ит кIэлэцIыкIуIыгъыпIэхэм Iоф адешIэ. Бзэм икъэухъумэн тегъэпсыхьэгъэ Iэмэ-псымэхэр сабыйIыгъхэм аIэкIэгъэхьагъэным щегъэжьагъэу методическэ IэпыIэгъу ягъэгъотыгъэным нэсыжьэу Проектнэ офисым Iофыгъохэр зэшIуехых.
Ащ фэдэ IэпыIэгъум къыкIэлъыкIогъэ хэхъоныгъэхэр къихьагъэ илъэсым ГУАРИм иIофышIэхэм ауплъэкIугъэх. Адыгабзэр нахь дэгъоу зыщыIугъэ, анахь дэгъоу зыкъэзыгъэлъэгъогъэ кIэлэцIыкIуIыгъыпIэхэр къыхэгъэщыгъэнхэм джы игъо къэсыгъ. Апэрэу рэзэныгъэ гущыIэхэмрэ шIухьафтынхэмрэ Проектнэ офисым зыфигъэзагъэр республикэ гупчэм икIэлэцIыкIуIыгъыпIэхэу №9, №14, №28. Ахэмэ япащэхэр зыщагъэшIуагъэхэ зэхахьэ щыкIуагъ кIэлэцIыкIуIыгъыпIэу №14.
-2019-рэ илъэсым щегъэжьагъэу зыч-зыпчэгъоу, тызэгъусэу тыбзэ икъэухъумэн тыдэлажьэ, – Iофтхьабзэм ипэублэ къыщиIуагъ шIэныгъэмкIэ ГУАРИм ипащэ игуадзэу Биданэкъо Марзят. – «Тхьашъуегъэпсэу» къышъотэIо шъугукIи шъупсэкIи шъузышъхьамысыжьэу адыгабзэм икъызэтегъэнэн шъузэрэдэлажьэрэм фэшI, тисабыйхэм яныдэлъфыбзэ зэращышъумыгъэгъупшэрэм фэшI! Тэгугъэ ыпэкIэ тылъыкIуатэмэ джыри нахь хэхъоныгъэшхохэр тшIынхэу.
Ащ ыуж Проектнэ офисым ипащэ игуадзэ шIухьафтынхэр кIэлэцIыкIуIыгъыпIэхэм яIэшъхьэтетхэм аритыжьыгъ. ХьэкIапIэ тыздэщыIэгъэ сабыйхэри къызэкIэкIуагъэхэп: орэд жъынчхэмкIэ, къэшъо дахэхэмкIэ,усэ цIыкIухэмкIэ яныдэлъфыбзэ уасэу фашIырэр къагъэлъэгъуагъ, зэхахьэр мэфэкI шъыпкъэ тфашIыгъ.
Ащ фэдэ IэпыIэгъум къыкIэлъыкIогъэ хэхъоныгъэхэр къихьагъэ илъэсым ГУАРИм иIофышIэхэм ауплъэкIугъэх. Адыгабзэр нахь дэгъоу зыщыIугъэ, анахь дэгъоу зыкъэзыгъэлъэгъогъэ кIэлэцIыкIуIыгъыпIэхэр къыхэгъэщыгъэнхэм джы игъо къэсыгъ. Апэрэу рэзэныгъэ гущыIэхэмрэ шIухьафтынхэмрэ Проектнэ офисым зыфигъэзагъэр республикэ гупчэм икIэлэцIыкIуIыгъыпIэхэу №9, №14, №28. Ахэмэ япащэхэр зыщагъэшIуагъэхэ зэхахьэ щыкIуагъ кIэлэцIыкIуIыгъыпIэу №14.
-2019-рэ илъэсым щегъэжьагъэу зыч-зыпчэгъоу, тызэгъусэу тыбзэ икъэухъумэн тыдэлажьэ, – Iофтхьабзэм ипэублэ къыщиIуагъ шIэныгъэмкIэ ГУАРИм ипащэ игуадзэу Биданэкъо Марзят. – «Тхьашъуегъэпсэу» къышъотэIо шъугукIи шъупсэкIи шъузышъхьамысыжьэу адыгабзэм икъызэтегъэнэн шъузэрэдэлажьэрэм фэшI, тисабыйхэм яныдэлъфыбзэ зэращышъумыгъэгъупшэрэм фэшI! Тэгугъэ ыпэкIэ тылъыкIуатэмэ джыри нахь хэхъоныгъэшхохэр тшIынхэу.
Ащ ыуж Проектнэ офисым ипащэ игуадзэ шIухьафтынхэр кIэлэцIыкIуIыгъыпIэхэм яIэшъхьэтетхэм аритыжьыгъ. ХьэкIапIэ тыздэщыIэгъэ сабыйхэри къызэкIэкIуагъэхэп: орэд жъынчхэмкIэ, къэшъо дахэхэмкIэ,усэ цIыкIухэмкIэ яныдэлъфыбзэ уасэу фашIырэр къагъэлъэгъуагъ, зэхахьэр мэфэкI шъыпкъэ тфашIыгъ.
